Шоҳруҳ Ишанов: "Ҳакамнинг сўнгги хуштаги чалингунга қадар ўйинни ташлаб юбормаслик керак"

- "Ғиждувон" жамоасини ғалаба билан табриклайман. Илк дақиқаларданоқ ўйиндаги ташаббусни қўлга олишга ҳаракат қилдик ва гол уриб олдик. Кейинги дақиқаларда эса йигитларим енгил ўйин кўрсатишни бошлади ва шу сабабли учта гол ўтказиб юбордик. Иккинчи бўлимда бутунлай бошқача ўйин кўрсатдик. Ўйинни тўлиқлигича назорат қилдик, бироқ гол ура олмадик. Буни устида ишлаймиз, албатта. 90 дақиқаликдаги ўйинда иккала жамоа ҳам яхши ўйин кўрсатди деб ўйлайман. 

- "Ғиждувон" жамоаси тажриба  эвазига ғалабани илиб кетди деб ўйлайсизми?

- Бизни болалар ҳам яхши ўйнашди. Аммо "Ғиждувон"даги тажриба ўз сўзини айтди, барибир. Тажрибали ҳужумчи ўз ишини бажарди. Навбатдаги ўйинларда ғалаба қозонишга ҳаракат қиламиз.

- "Андижон-SGS" лигадаги 15-голини ўтказиб юборди. Бу борада нима дея оласиз?

- Гол ургандан кейин йигитлар ўйинни ташлаб юборишяпти, негадир. Буни устида ишлашга ҳаракат қиламиз. Ҳакамнинг сўнгги хуштаги чалингунга қадар ўйнашга интиламиз. 

- Жамоа олдига вазифа қўйилганми?

- Албатта. Раҳбарият томонидан ҳар бир ўйинга ғалаба учун чиқиш вазифаси қўйилган. Шунингдек, Про-лигада қолишимиз керак. Юқори ўринларга чиқиш вазифаси қўйилмаган.