Шерзод Темиров: "Бундан ҳам чиройли ўйин кўрсатишга кучимиз етади"
07 ноя 2021 14:52
Янгиликлар

Шерзод Темиров: "Бундан ҳам чиройли ўйин кўрсатишга кучимиз етади"

Питер Хюистра бошчилигидаги "Пахтакор" мавсум бошида таркиб билан боғлиқ айрим муаммоларга дуч келган эди.

Айниқса ҳужум чизиғидаги сезиларли муаммо жамоа ўйинида яққол кўзга ташлана бошлади. Шундай паллада нидерландиялик мураббий Шерзод Темировга имконият берди. Қатор ўйинларда муҳим голларга муаллифлик қилган Шерзод Темиров кеча "Сурхон" дарвозасини ҳам ишғол қилди. Мазкур ўйиндан кейин футболчи таассуротлари билан ўртлоқлашди.

"Бизни қўллаб-қувватлаган барчага катта раҳмат айтаман. Худога шукур мухлислар олдида юзимиз ёруғ бўлди. Бундан ҳам чиройли ўйин кўрсатишга кучимиз етади, деб ўйлайман. Чемпионликни қўлга киритдик. Эндиликда Ўзбекистон кубогини ҳам ўзимизники қилишга ҳаракат қиламиз.

Мураббий қайси позицияга қўйса ўша ерда ўйнашга ҳаракат қиламан. Ҳужум чизиғида олдин ҳам ўйнаганман",- дейди Шерзод Темиров.