Голларга бой кечган баҳсда меҳмонлар 3:2 ҳисобида зафар қучишди.
"Эрбил" сафида тўп сураётган ўзбекистонлик ҳужумчи Шерзод Темиров учрашувни асосий таркибда бошлади ва жамоасининг ғалабасига муҳим ҳисса қўшди. Ўйиннинг 78-дақиқасида Мансурнинг узатмасидан сўнг Темиров рақиб дарвозасини ишғол қилиб, ҳисобни 3:1 кўринишига келтирди.
Бу Шерзод учун жорий мавсумдаги 23-гол бўлди. Ушбу натижа билан ҳамюртимиз Ироқ чемпионати тўпурарлар рўйхатида якка пешқадам бўлиб турибди. Темировнинг сермаҳсул ўйини "Эрбил"нинг муҳим очколарни қўлга киритишида асосий омил бўлмоқда.
Ироқ Юлдузлар Лигаси. 31-тур
"Ал-Талаба" — "Эрбил" 2:3
Голлар: А. Абдулзахра (68), С. Мсува (80) — М. Кабрера (41), К. Барко (63), Шерзод Темиров (78).
