Шерзод Файзиев: "Мураббий ўтказиб юборилган голда менга эътироз билдиргани йўқ"

"Ўйин жуда қийин ўтди. Учрашувда йўл қўйган дастлабки хатоимиз жамоамизга қимматга тушди. Ўтказиб юборилган голдан сўнг вазиятни ўнглашга ҳаракат қилдик. Баҳс сўнггига келиб ўз мақсадимизга эришдик. Бу беллашувда ҳар иккала жамоа ғалаба учун ўйнади. Лекин якунда дуранг қайд этилди. Кейинги ўйинларда мухлисларимизга ғалаба тақдим этишга ҳаракат қиламиз.  Ўтказиб юборилган голни келиб чиқишида мени хатоим? Гол ҳақида мураббий шахсан менга эътирозлар билдиргани йўқ. Ўша вазиятда тезкор ҳаракат қилишим лозим эди. Шу боис тўп узатишда шошганим сабабли хато ўйнадим. Биринчи ўйин бўлгани учун озгина ҳаяжон бўлди. "Ал Иттиҳод"ни сафарда мағлуб эта оламиз. Бунга кучимиз етади. "Ал Иттиҳод" жамоаси ўйин ритмига эга ва уларда чемпионат қизғин давом этмоқда. Бизда эса ҳали чемпионат старт олганича йўқ. Бу ҳам бугунги ўйинда ўз таъсирини ўтказди. Худо хоҳласа кейинги учрашувлардан бошлаб ишқибозларимизга ғалабаларни совға қиламиз", - деди Шерзод Файзиев.