Шавкат Саломов: «3-4 йилдан буён «Шахтёр»да ўйнаётгандекман»
10 апр 2014 17:42
Янгиликлар

Шавкат Саломов: «3-4 йилдан буён «Шахтёр»да ўйнаётгандекман»

Қишда Қарағанданинг «Шахтёр» клубига кўчиб ўтган ўзбекистонлик ярим ҳимоячи Шавкат Саломов «кончилар» таркибида анча яхши ўйнаб кетди.

Ҳамюртимиз Қарағанда клуби сафида дастлабки 5та ўйинда 2та гол урди ва уч бор голли пас оширди.

У Қозоғистоннинг «Sports.kz» сайтига интервью берди.

— Шавкат, жамоанинг чемпионатдаги старти ҳақида нима дея оласиз?
— Яхши бошладик. Фақат биринчи турда омадимиз келмади. Ўша ўйинда нима етишмаганини айта олмайман... Сўнгра «Актобе» билан дуранг ўйнадик, кейин учта ўйинда ютдик. Ўйлашимча, бу яхши натижа.

— Виктора Кумиков қўл остида ўйнаш қандай?
— Барчаси ажойиб. Унинг услуби, машғулотлар жараёни, барчаси ёқмоқда.

— Сизни «Шахтёр»нинг тўлақонли аъзоси деб атасак бўладими?

— Ҳа. Жамоа яхши, футболчилар анча иноқ. «Шахтёр»да мени яхши қабул қилишди. Бу ерда 3-4 йилдан буён ўйнаётгандекман. Яратганга шукр.

— Кейинги турда «Шахтёр» «Жетису» билан ўйнайди. Бу баҳсга ўзгача тайёрланасизми?

— «Шахтёр» барча жамоага қарши бир хил тайёрланади, рақиб биринчи ўриндами ёки сўнгги ўриндами, фарқи йўқ. Биз доим ғалаба учун ўйнаймиз. «Жетису»га қарши алоҳида тайёрланмайман, мураббий айтган кўрсатмаларни бажараман.

Ҳавола :

Манба : sports.kz

Янгиликларни Телеграмда ўқинг!

Рейтинг: