Shavkat Salomov: 3-4 yildan buyon Shaxtyorda o'ynayotgandekman

Narzulla Saydullayev

10 apr 2014, 17:42

Qishda Qarag'andaning Shaxtyor klubiga ko'chib o'tgan o'zbekistonlik yarim himoyachi Shavkat Salomov konchilar tarkibida ancha yaxshi o'ynab ketdi.

Hamyurtimiz Qarag'anda klubi safida dastlabki 5ta o'yinda 2ta gol urdi va uch bor golli pas oshirdi.

U Qozog'istonning Sports.kz saytiga intervyu berdi.

- Shavkat, jamoaning chempionatdagi starti haqida nima deya olasiz?
- Yaxshi boshladik. Faqat birinchi turda omadimiz kelmadi. O'sha o'yinda nima yetishmaganini ayta olmayman... So'ngra Aktobe bilan durang o'ynadik, keyin uchta o'yinda yutdik. O'ylashimcha, bu yaxshi natija.

- Viktora Kumikov qo'l ostida o'ynash qanday?
- Barchasi ajoyib. Uning uslubi, mashg'ulotlar jarayoni, barchasi yoqmoqda.

- Sizni Shaxtyorning to'laqonli a'zosi deb atasak bo'ladimi?

- Ha. Jamoa yaxshi, futbolchilar ancha inoq. Shaxtyorda meni yaxshi qabul qilishdi. Bu yerda 3-4 yildan buyon o'ynayotgandekman. Yaratganga shukr.

- Keyingi turda Shaxtyor Jetisu bilan o'ynaydi. Bu bahsga o'zgacha tayyorlanasizmi?

- Shaxtyor barcha jamoaga qarshi bir xil tayyorlanadi, raqib birinchi o'rindami yoki so'nggi o'rindami, farqi yo'q. Biz doim g'alaba uchun o'ynaymiz. Jetisuga qarshi alohida tayyorlanmayman, murabbiy aytgan ko'rsatmalarni bajaraman.

So'nggi yangiliklar

Barcha ›