Шакер Зуаги: «Гуруҳдан чиқишга уринамиз»

"Биз бу ўйинга бир ярим ойдан ортиқ тайёрландик, энг асосийси биз ғалаба қозондик. Гуруҳ босқичига йўлланма олдик. У ерда иккита кучли клуб борлигини биламан, аммо бизнинг таркибимиз ҳам ёмон эмас. Гуруҳдан чиқишга уринамиз, бунга кучимиз етади!", - дейди Зуаги.

- Бугун мавсумдаги илк расмий ўйинни ўтказдингиз. Ўз ҳаракатларингиздан қониқдингизми?
- Йўқ,  барчаси жойида. Икки ойдан буён бирга ўйнаяпмиз. Бир қатор ўртоқлик ўйинларини ўтказдик. Шу боис ҳеч қандай муаммо бўлмади. Бир жамоадек ҳаракат қилдик.

- ОЧЛ ҳақида фикрларингиз? Бу мусобақада илк бор ўйнадингиз…
- Энди биринчи учрашувимни ўтказдим. Ўйлашимча, қизиқарли бўлади. Европа ва Африкада ўйнаганман. Ҳозир Осиёдаман, бу мен учун жуда муҳим. Барчаси яхши бўлишига умид қиламан. 

- Рақиб ҳақида нима дея оласиз? Сабаби учрашувдан олдин «Ал Жазира» фаворит ҳисобланаётган эди?
- Биз бир жамоа сифатида ўйнадик. Уларнинг ҳужуми жуда хавфли. Аммо бизда ҳам уларда ҳам 11 нафар футболчи ҳаракат қилди. «Ал Жазира» иштирокидаги ўйинларни кўриб чиққандик. Рақибнинг кучли ва кучсиз томонларини яхши билардик.

- Сизга раҳмат. Кейинги ўйинларда жамоага омад тилаймиз.  

Омонжон Тўхтамирзаев