“Севинч”нинг беш нафар футболчиси терма жамоага чақирилди

Терма жамоа футболчилари 6-7 март кунлари Тошкентда йиғин ўтказишади ва  7 март куни Тошкентдан БААнинг Дубай шаҳрига жўнаб кетишади.

Ушбу йиғин мобайнида Ўзбекистон аёллар терма жамоаси 9 ва 12 март кунлари БАА аёллар термаси билан иккита ўртоқлик учрашуви ўтказишни режалаштирилган.

Йиғинга “Севинч” жамоасининг беш  нафар футболчиси жалб этилди. Булар, дарвозабонлар – Лайло Тилавова, Мафтуна Жонимқулова. Ҳимоячи – Мафтуна Шойимова. Ярим ҳимоячи Камола Рискиева ва ҳужумчи – Нилуфар Қудратовалар.

Ўзбекистон аёллар терма жамоаси Осиё Кубоги–2018 саралаш босқичи “B” гуруҳидан жой олган бўлиб, финал босқичига чиқиш учун Жанубий Корея, Гонконг, Ҳиндистон ва КХДР аёллар термасига қарши баҳс олиб боради.

БАА саралашнинг “А” гуруҳидан ўрин олган ҳамда финал босқичи йўлида Иордания, Филиппин, Баҳрайн, Ироқ ва Тожикистон аёллар терма жамоасига қарши куч синашади.

Маълумот учун, Ўзбекистон аёллар терма жамоаси ФИФА рейтингида 42-ўринда (1540 очко) бормоқда. БАА аёллар термаси 1280 очко билан 78-поғонани банд қилган.