"Севинч" янги мавсумга тайёргарликни бошлади
17 янв 2017 11:29
Янгиликлар

"Севинч" янги мавсумга тайёргарликни бошлади

Аввал хабар берганимиздек, жамоамиз футболчилари кечадан ўз қароргоҳида йиғилишди ва қишки ўқув-йиғин машғулотларини бошлашди.

Машғулотлар асосан “Геолог” аренасида бўлиб ўтмоқда. Чунки, жамоа ҳар йилгидек, футбол мавсумини 22 январда бошланадиган, мини футбол (футзал) бўйича XIII Ўзбекистон чемпионатидаги иштироки билан бошлайди.

Шу кунларда “Севинч” жамоасининг кўплаб футболчилари Олмалиқ шаҳрида терма жамоамиз сафидаги йиғинда иштирок этишмоқда. Улар 20 январдан клуб сафига қўшилишади. Машғулотлар кунига икки маҳалдан ўтказилмоқда.

“Севинч” жамоаси таркибида бу йил катта ўзгаришлар рўй бериши мумкин. Бу ҳақда кейинроқ тўлиқ маълумот берамиз.

“Севинч” жамоаси 22 январь куни Тошкент шаҳрига ташриф буюради ва мини футбол бўйича чемпионат учрашувларини бошлайди.

Эслатиб ўтамиз, мини футбол бўйича аёллар ўртасидаги XIII Ўзбекистон чемпионатининг 1-тури 22-27 январь кунлари Тошкент шаҳридаги “Ёшлик” аренасида бўлиб ўтади.

Ҳавола :

Манба : pfcsevinch.uz

Янгиликларни Телеграмда ўқинг!

Рейтинг: +1