“Севинч” бугундан тўлиқ таркибда машғулотларни бошлайди

Бугундан жамоамиз футболчилари тўлиқ таркибда яна машғулотларни бошлайди. Бунгача мини футболда иштирок этмаган футболчиларимиз машғулотларни давом эттираётган эдилар. Навбатдаги тайёргарлик машғулотларида асосий эътибор, жамоамиз олдида турган мини футбол бўйича XIII Ўзбекистон чемпионатининг ҳал қилувчи 3-босқичига қаратилади.

Бу йилги мини футбол бўйича чемпионатининг 3-босқичи 16-20 март кунлари Тошкентда бўлиб ўтади. Ушбу босқичда чемпионатнинг бўлиб ўтган икки турида энг юқори натижаларни қўлга киритган олтита жамоа иштирок этади. Булар Қаршининг “Севинч”, Ғузорнинг “Шўртан Lady”, Тошкентнинг “ТАТУ”, “Пахтакор-W”, Тошкент вилоятининг “Юз работ” ва Нукуснинг “Қирқ қиз” жамоаларидир.

Ушбу ҳал қилувчи 3-босқичда бу йилги чемпион номи аниқ бўлади.

Эслатиб ўтамиз, Ўзбекистон аёллар футболи тарихида мини футбол бўйича Қаршининг «Севинч” жамоаси 12 марта чемпионликни қўлга киритган.