“Севилья” - “Барселона”. Испания Кубоги финалини бошқарадиган ҳакам номи маълум
09 апр 2018 23:11
Янгиликлар

“Севилья” - “Барселона”. Испания Кубоги финалини бошқарадиган ҳакам номи маълум

Испания Кубогининг ҳал қилувчи финал учрашувини бошқариб борадиган ҳакамлар бригадаси маълум бўлди.

Унга кўра бош соврин учун кечадиган учрашувда Хесус Хиль Мансано ҳакамлик қилади. 34 ёшли рефери бошқарадиган финалда “Севилья” ва “Барселона” клублари ўзаро муносабатларига ойдинлик киритиб олишади.

Иккала жамоа ҳам Мансано ҳакамлик қилган ўйинларда нисбатан олганда ижобий натижа қайд этишган. Каталонияликлар 7та учрашувда ғалаба қозонишган, 2та ўйинда дуранг ўйнаб, 3та баҳсда мағлубиятга учрашган.

“Севилья” бу ҳакам ишлаган ўйинларда 5та ғалаба ва 3та мағлубиятга эришган. Финал учрашуви 21 апрель куни “Атлетико” жамоасининг уй стадиони ҳисобланган “Ванда Метрополитано” ўйингҳида бўлиб ўтади.