Серхио Рамос: “Реал” Роналдусиз ҳам ғалаба қозона олади”

Футболчи ушбу баёнотини УЕФА Суперкубогида “Атлетико”га қарши кечадиган баҳс олдидан айтиб ўтди.

“Албатта жамоадан Роналду сингари топ футболчи кетар экан, бу ёмон. Аммо “Реал”нинг мақсади ўзгармайди. Ғалабага эришиш ниятидамиз ва бу ишни усиз амалга оширамиз. Шунча йиллар давомида “Реал”да кўплаб юлдуз футболчилар тўп тепишди. Аммо жамоа ҳар қандай футболчидан юқори даражада туради. Қандай ҳолат рўй беришидан қатъий назар “Реал” доимо ғалаба учун кураш олиб боради.

“Реал” эшиклари барча буюк футболчилар учун доим очиқ. Биз ҳар доим футболчилар жамоада ўзларини уйдагидек ҳис этишларини истаймиз. Улар жамоада янада ўсишга эришишларини хоҳлаймиз. 

Куртуанинг сафимизга келиб қўшилиши дарвозабонлар орасида рақобатни оширди. Унинг илгари “Атлетико”да тўп тепгани ҳеч қандай аҳамиятга эга эмас”, - дейди Рамос.