Сергей Лушан: "Ўз тарбияланувчиларимиз эвазига клубни шакллантирмоқчимиз"

Унга Хайрулла Каримов ҳамроҳлик қилди.

"Яхши ўйин кутаяпмиз. Рақибга эса очко зарур. Бизнинг мақсадимиз бошқа. Биз сифатли ва чиройли ўйин кўрсатмоқчимиз", - дейди Лушан.

"Эртага мухлислар учун чиройли ўйин намойиш этишга ҳаракат қиламиз. Ғалаба учун қўлимиздан келганини қиламиз", - деб гап бошлади Каримов.

- Рақиб устози ҳужумда ўйнашларини айтиб ўтди. Бу сизларга қарши ҳужумларда имконият беради.
- Рақиб қандай ўйнаса ўйнайверсин. Биз ўз ўйинимизни кўрсатамиз. Футболчиларимиз ўз мухлисларимиз қаршисида ўйнашади, демак мақсад фақат ғалаба.

- Жамоа гуруҳ босқичидан чиқиб кетди. Эртага барча футболчилар тайёрми?
- Энди ватанимиз шаъни учун ҳаракат қиламиз. Барча футболчилар тайёр бўлишади деб ўйлайман.

- "Бунёдкор"нинг мақсади қандай?
- Бизнинг асосий мақсадимиз ўз тарбияланувчиларимиз эвазига олий лига, кубок ва Осиё чемпионлар лигасида иштирок этиш. Юлдуз футболчиларни сотиб олиб эмас ўз тарбияланувчиларимиз эвазига клубни шакллантирамиз.

- Араб клубларига қарши ўйинларда энг қийини қайси?
Хайрулла Каримов: - Агар ўз ўйинимизни кўрсатсак ғалаба қозонсак бўлади. Тўғри балки сафарда уларга қарши ўйнаш оғирроқдир. Лекин эртага биз ўз уйимизда тенг шароитда ўйнаймиз. Арабларга тезкор ўйин ёқмайди.

Нарзулла Сайдуллаев