UZ

Сўнгги янгиликлар

08:40Бухорога Суперлига ўйинларини қайтариш ҳаракати бошланди  1 08:17Sofascore. Захирадан майдонга тушган Ўринбоев энг катта баҳолардан бирини олди  3 07:52"CAFA Nations Cup-2025" . Қўшниларимиз ўзаро дуранг ўйнаган учрашувдан ФОТОГАЛEРEЯ  0 07:25"Ал Иттиҳод" мавсумни йирик ғалаба билан бошлади. Бенземадан хет-трик  0 02:31Ла Лига. "Реал" ўз уйида икки дақиқада 2 та гол уриб, "Мальорка"ни мағлуб этди  25 02:25А Серия. "Наполи" ва "Рома"да минимал ғалаба, "Аталанта" Пармада дуранг қайд этди  1 02:20Лига 1. "Тулуза" ва ПСЖ ўртасидаги ўйинда 9 та гол урилди  2 02:16Туркия Суперлигаси. "Ризеспор" Истанбулда "Галатасарой"га мағлуб бўлди, Алиқулов 73 дақиқа ўйнади  4 01:05Бундеслига. "Аугсбург" ва "Бавария" ўртасидаги ўйинда 5 та гол урилди  4 01:01Карлуш Кейруш: "Очиғини айтаман, бугун ғалаба қозонишимиз керак эди"  18 00:30Кападзе: "Кечирасизлар, лекин интернетда ёзилаётган нарсалар барчага таъсир қилмоқда"  49 23:35Бельгия Про лигаси. "Антверпен" меҳмонда мағлубиятга учради, Ўринбоев захирадан ўйинга қўшилди  1 22:37Гарначо 40 млн фунт эвазига янги клубига ўтди  7 22:11Ла Лига. "Атлетико" бу сафар "Алавес"ни юта олмади. Симеоне жамоаси уч ўйинда 2 очко жамғарди  2 22:09Ровшан Мередов: "Бундай турнирлар орқали нималар қўшишимиз кераклигини кўриб оляпмиз"  8

Сенегал бош мураббийи: "Биз янги тарих яратишимиз керак" Янгиликлар

Сенегал бош мураббийи: "Биз янги тарих яратишимиз керак"

Хабарингиз бор, Ўзбекистон миллий терма жамоаси 23 март куни ЖЧ-2018 иштирокчиси Сенегалга қарши ўртоқлик учрашуви ўтказади.

Сенегал терма жамоаси бош мураббийи Алиу Сиссе яқинда ФИФА расмий сайтига интервью бериб, жамоасининг жаҳон чемпионатига тайёргарлиги ҳақида сўзлаб берди.

Маълумот учун, Алиу Сиссе ЖЧ-2002да иштирок этиб, ўзидан яхши таассурот қолдирган. У 2015 йилдан бери Сенегални бошқариб келмоқда. Сиссе футболчилик даврида терма жамоа шарафини 35та ўйинда ҳимоя қилган.

Жанубий Корея ва Японияда бўлиб ўтган мундиалдан сўнг орадан 16 йил ўтиб Сенегал яна ЖЧга чиқди. Алиу Сиссе эса жамоани мусобақага ўта жиддий тайёрлашни мақсад қилган. Яқинда ушбу мураббий ФИФА расмий сайтига интервью берди.

- "Охирги марта жаҳон чемпионатида ўйнаганимизга ҳам деярли 16 йил бўлибди. Албатта, бу жуда катта муддат. ЖЧ-2002даги иштирокдан сўнг кўпчилик энди Сенегал ҳар доим жаҳон чемпионатига боради деб ўйлаганди, лекин бундай бўлмади. 15 йил кутишимизга тўғри келди. Олдинги жамоа ўзидан ажойиб тарих қолдирганди. Ҳозир авлод эса янги тарих яратиши мумкин".

- "Биз яна чорак финалга чиқишимиз мумкинми? Футболда ҳамма нарсанинг иложи бор, шундай экан нега ҳаракат қилмайлик? Бизда ёш ва ғалабага чанқоқ таркиб бор. Фақат футболчиларимизда тажриба кам. Биз мундиалга ҳеч нимага даъво қилмасдан борамиз ва ўз ўйинимизни кўрсатамиз".

- "ЖЧ-2002да биз жаҳон ва Европа чемпиони Франция билан бир гуруҳда эдик ва бу жамоани 1:0 ҳисобида мағлуб этганмиз. Гуруҳда шунингдек, Уругвай билан Дания ҳам бор эди. Шундай қийин рақиблар орасидан чиқишнинг ўзи бўладими. Муҳими, биз ҳеч қандай босимни ҳис қилмаганмиз".

- "Бу сафар яна ҳаммасини хотиржам бошлашни хоҳлаймиз. Рақибларимиз ҳам ажойиб: Колумбия, Япония ва Польша. Агар ўзимизни бошқара олсак ва ўзимиз хоҳлаган футболни намойиш қилсак, ишонаманки, бу жамоаларга бошоғриқ бўламиз. Колумбия ЖЧ-2014да чорак финалгача борди. Польшани дунёнинг энг кучли еттита жамоасидан бири деб ҳисоблайман. Япония эса Осиё етакчиларидан бири ва бу жамоа билан савиямиз тенг бўлса керак".

- "Мен энди мураббийман, майдонга тушиб тўп тепа олмайман. 2002 йил жамоа сардори эдим. Ҳозир эса бош мураббийман. Менга ўйинчиларни бошқариш ёқяпти, чунки уларга ўз билганларимни ўргатишни хоҳлайман. Сенегал формасини кийиш оддий нарса эмас. Бунинг учун жуда кўп меҳнат қилишингга тўғри келади. Мусобақада биз ҳам ўз Ватанимиз, ҳам Африка шарафини муносиб ҳимоя қилишга ҳаракат қиламиз".

Рейтинг: +20   

Фикрлар

championat.asia
< сўнгги янгиликларни кўриш
Яндекс.Метрика