Saudiya Arabistoni. Masharipov zaxiradan tushgan o'yinda jamoasi yirik hisobda yutqazdi

Aziz Tukhtamuradov

12 fev 2022, 08:04

Saudiya Arabistoni Premer-ligasining 20-turida hamyurtimiz Jaloliddin Masharipov to'p tepayotgan "Al Nassr" jamoasi yetakchi "Al Ittixod"ga qarshi o'yin o'tkazdi.

Uchrashuv mezbon "Al Ittixod"ning yirik - 3:0 hisobidagi g'alabasi bilan yakunlandi.

Hamyurtimiz Jaloliddin Masharipov 80-daqiqada Gonsalo Martinesning o'rniga zaxiradan maydonga tushirildi.

Eslatib o'tamiz, chempionatda ayni paytda 47 ochko bilan "Al Ittixod" yaqqol yetakchilik qilmoqda. Ikkinchi o'rindagi "Al Shabab"da 40 ochko bor. "Al Nassr" esa 38 ochko to'plab, uchinchi o'rindan joy olgan.