Сардор Мирзаев: "Бунёдкор"нинг ўйинида охирги учрашувларда пасайиш кузатилди"

- Ўзбекистон кубоги ва Олий лиганинг қиймати деярли бир. Шу боисдан финалга жиддий тайёргарлик кўряпмиз.

Тўғрисини айтаман, айни пайтда рақиб ким бўлишини ҳеч қандай аҳамияти йўқ бизга. Финалда ҳам яхши, муносиб ва очиқ ўйин кўрсатиб, бош совринни "Локомотив" музейига қўшиб қўйишни хоҳлаймиз. Мақсадимиз ўтган йилги натижаларни такрорлаш.

"Бунёдкор" барча жамоалар қатори кучли. Охирги учрашувларда уларда бироз пасайиш кузатилди, деб ўйлайман. Бунга чарчоқ сабаб бўлса керак.
Шуни унутмаслик керакки, финал "Бунёдкор" учун ОЧЛга чиқиш учун охирги имконият. Шу боисдан ҳам улар бор кучлари билан ҳаракат қилишади.
Бизни қизиқарли финал кутмоқда.

Эслатиб ўтамиз, 4 декабрь куни Ўзбекистон кубоги финал учрашуви "Бунёдкор" стадионида бўлиб ўтади.

Ўйин соат 15:00да бошланади.