Сантуш Португалия терма жамоасида иккита ўзгаришга қўл урди

Ортда қолган ҳафтада “Порту” ҳимоячиси Пепе ҳамда “Барселона” вакили Нельсон Семеду жароҳатга йўлиқди. Улар эса Португалия терма жамоасидан ноябрда ФИФА кунларидан ўрин олган баҳсларда майдонга тушиш учун чақирув олганди. Португаллар устози жароҳат сабаб уларнинг ўрнига “Манчестер Сити”дан Жоау Канселу ҳамда “Гранада”дан Домингуш Дуартени мамлакат бош жамоасига жалб қилди.

Португалия Евро-2020 саралаши доирасида 14 ноябрда ўз майдонида Литвага, 17 ноябрда эса сафарда Люксембургга қарши баҳс олиб боради.