Санъат Шихов: "Кейинги икки ўйинда ғолиб бўлсак гуруҳдан чиқамиз"

Бу ўйиндан сўнг "лочинлар" ҳужумчиси Санъат Шихов ўз фикрларини билдирди.

- Аввало "Навбаҳор"га келишингиз ҳақида...
- Янги мавсумга тайёргарликни "Олмалиқ" сафида бошлагандим. Жамоадаги шароитлар жуда яхши эди, бир нечта ўртоқлик ўйинларида иштирок этдим. Бироқ ўзимга жамоа тўғри келмаслигини тушуниб у ерни ҳеч қандай низоларсиз дўстона тарзда тарк этдим.

Шундан сўнг, Бахтиёр Ашурматов билан гаплашдик. Кўпчилик йигитлар таниш бўлгани учун ҳам "Навбаҳор" жамоасини танладим. Худо хоҳласа бу йил ғалабаларга ўз хиссамни қўшишни истайман. Наманган халқини доим хурсанд қилишга ҳаракат қиламиз", - дейди Санъат Шихов.

- Мураббийлар "Обод"га қарши ўйинда нима учун 8 нафар асосий футболчини майдонга туширишмади?
- Бу мураббийнинг қарори. Балки бошқа ёшроқ футболчиларни синовдан ўтказиб олишга қарор қилишгандир. Биз ўйнамаган тақдирда ҳам биринчи лига жамоасини мағлуб этишимиз керак эди. "Обод" ғалаба қозонишни кўпроқ истади шу боис уч очкога эга бўлди. Кейинги икки ўйинда ғолиб бўлсак гуруҳдан чиқамиз.