Самвел Бабаян: "Нима ҳам дердим, боримиз шу экан"

- Бугун биз Рио олимпиядаси йўлланмаси учун курашаётган жамоага ютқаздик. Нима ҳам дердим, демак бугунги кунда бизнинг имкониятларимиз, боримиз шу экан. Афсуски ҳеч нарса кўрсата олмадик. Якка-курашларни ютқаздик. Ҳимоя чизиғидаги муаммоларимиз бизга панд берди. Бугунги ўйинда ҳимоядаги хатоларимиз бизга қимматга тушди. Жамоамиздаги ҳимоя чизиғи айни пайтда энг оғриқли нуқтамиз деб биламан. Биз асосан тўпни кўпроқ бир-биримизга узатиб ўйнадик. Лекин бу каби ўйинда ҳимоя чизиғидаги ҳозирги мавжуд футболчиларимиз юқори савияда ўйнашга қодир эмаслар. Уларнинг маҳорати бунга йўл қўймайди. Охирги голда ҳимоячимиз ҳакам хуштагигача ўйнаши керак эди. Қанот ҳаками байроқчасини кўтаргани учун футболчи тўхтаб қолди. Бу ҳам футболчининг савиясидан далолат. Топ даражадаги футболчи ҳеч қачон бу хатони қилмайди. Жамшид Искандеров билан ҳам ўйинни йўлга қўя олмадик ва шу боисдан уни алмаштирдик. Лекин шуни таъкидлаш керакки, биз иккита ўйинда ҳам жуда кучли рақибларга қарши майдонга тушдик. Афсуски бу ўйинларда ўзимиз истагандек ҳаракат қила олмадик.