Самвел Бабаян: "Мухлислардан узр сўрайман"

"Бугун ғалаба ҳар қачонгидан ҳам керак эди. Рақиб жуда ҳам тезкор, ўткир ҳужумлар ташкил этди. Вазиятлар яратдик, гол ура олмадик. Тезкор гол режаларимизни ўзгартириб юборди. Кримец, Искандеров каби футболчиларнинг йўқлиги ўйинимизга таъсир қилмай қолмади. Ҳам ҳимояда, ҳам ҳужумда...Барча мухлислардан узр сўрайман. Лекин бугунги ўйиндан уялаётганим йўқ. Бугун бизнинг кунимиз эмас экан", - дейди Бабаян.

- Жамоанинг ҳужуми битта футболчига боғлиқлиги ёмон, лекин Жамшиднинг ўрни жуда билинди.

- Машариповнинг тезда алмаштирилишига нима сабаб бўлди?
- У ўйинга киришиб кета олмади. Тўпни ўзида кўп ушлаб қолди, ҳужумкорликни ошириш мақсадида Пардаевни тушурдик. Баҳодир тушгач вазиятлар кўпайди.

- Андреев алмаштирилмайдиган футболчими?
- Бугун кийим алмаштириш хонасида энг кўп танбеҳни айнан Стас эшитди. Лекин уни охиригача ушлаб қолишимизга сабаб жарима тўплари ва стандарт вазиятлардан унумли фойдаланиб қолишини ўйладик. У ҳам бошқа футболчилар каби алмаштирилади, буни ўзи ҳам тушуниб турибди.


Нарзулла Сайдуллаев