Самвел Бабаян мураббийлик фаолиятида илк бор "Озодий" стадионида ғалаба қозонди
06 ноя 2023 23:57
Янгиликлар

Самвел Бабаян мураббийлик фаолиятида илк бор "Озодий" стадионида ғалаба қозонди

Теглар : "Навбаҳор"Озодий стадиони Самвел Бабаян

Наманганнинг "Навбаҳор" жамоаси ОЧЛдаги муваффақиятли юришини давом эттиради.

Бугун Теҳрондаги "Озодий" стадионида "Нассажи Мазандаран" меҳмони бўлган "лочинлар" рақибини 3:1 ҳисобида мағлуб этди. Шу тариқа "Навбаҳор" устози Самвел Бабаян мураббийлик фаолиятида илк бор мазкур аренада ғалабани тантана қилди.

Бунга қадар у "Пахтакор" ва Ўзбекистон терма жамоаси билан "Озодий"га қадам ранжида қилган. Мазкур ўйинларда Бабаян жамоаси бир дуранг ва бир мағлубият қайд этган эди.

ОЧЛ-2015. Гуруҳ босқичи, 5-тур

"Нафт Теҳрон" - "Пахтакор" 1:1

22.04.2015. Теҳрон. "Озодий" стадиони, 1840 томошабин.

Ҳакам: Ким Сан Ву (Жанубий Корея)

Голлар: Ғуломризо Ризои 25 - Владимир Козак 36

ЖЧ-2018 саралаши. 3-босқич. 8-тур

Эрон – Ўзбекистон 2:0

12 июнь 2017. Теҳрон. “Озодий” стадиони. 21:45 (Тошкент вақти)

Ҳакам: Аҳмад ал-Каф (Ўмон)

Голлар: Сардор Азмун 23, - 1:0. Меҳди Тареми 88, - 2:0

Амалга оширилмаган пенальти: Масъуд Шожайи 50 (ноаниқ)

Ҳавола :