Самвел Бабаян: "Муҳим ғалабани қўлга киритдик"

"Биринчи навбатда ўзбекистонлик барча футболчи мухлисларини ғалаба билан табриклайман. Жуда муҳим ғалабани қўлга киритдик. Ўйинга тўхталадиган бўлсам, биринчи бўлимда биз ўйинни назорат қилдик. Иккинчи таймда эса юзага келтирган вазиятлардан унумли фойдаландик. Бугун футболчилар берилган вазифаларни аниқ бажаришди. Бизнинг мақсадимиз кейинги ўйинларда ҳам ғалабаларни қўлга киритиш. Биз ҳар бир ўйинга рақибни пухта ўрганган ҳолда тайёрланамиз. Баҳрайн бугун ютқаздими ёки биз ғалаба қозондикми? Баҳрайнни кучсиз рақиб демаган бўлардим. Бундай десак адолатдан бўлмайди. Бу жамоа иштирокидаги ўйинларни кўрдик, уларни яхши ўргандик. Баҳрайннинг КХДРга қарши учрашувини томоша қилгандик, улар бу баҳсда мағлубиятга муносиб ўйнашмаганди. Биз уларнинг етакчи футболчиларини зарарсизлантира олдик ва улар истаган футболни кўрсатишларига тўсқинлик қилди. Шу боисдан бугун дарвозамизни қуруқ сақлай олдик. Тўртта гол урганимизга келсак, бизнинг ҳужумдаги гуруҳимиз жуда кучли ижрочиларга эга. Улар ўйиндан-ўйинга ўзаро бир-бирларини тушуниб ҳаракат қилишмоқда. Ўйинимиз ҳам аста-секин барқарорлашиб бормоқда. Бу эса қувонали ҳолат", - дейди Самвел Бабаян.