Самвел Бабаян: "Биринчи ўриндан йил охиригача тушмасликка ҳаракат қиламиз"

Унинг иккинчи қисмида "шерлар" бош менежери Самвел Бабаян иштирок этди.

"Мавсумдаги учинчи ўйинни ўтказдик. Ҳозирги давр учун у қадар ёмон ўйин ўтказганимиз йўқ. "Қизилқум" "чақилмас ёнғоқ" ролини ўйнади. Футболчиларимиз кўплаб вазиятлардан фойдалана олмай бироз ҳаяжонланишга мажбур қилишди. Йигитлар биринчи ўриндан йил охиригача тушмасликка ҳаракат қилишларини айтишди.

Учта учрашув ўтказдик. Биз ўйиндан ўйинга яхши формага кириб бораётганимизни ҳис қилаяпман.  

Бизда ҳужумчи ёки ҳимоячи йўқ, бизда 10та футболчи ҳам ҳимояда, ҳам ҳужумда ўйнайди.

Кримецни ўтган йил ижарага бергандик. У катта халқаро тажриба олиб қайтди. Ҳозир молиявий ҳолатимиз яхши, шу боис футболчиларимизни ижрага беришни истамадик. Улар ўзимизда ўйнаганлари яхши.

Ҳакамликни муҳокама қилмайман. Масалан биринчи турда Толибжонов ҳақида хабарлар чиқди. Ҳамкасбларимдан илтимос қилардимки барча ўз жамоаси ҳақида ўйласин. Мисол учун, бугун ҳам биринчи дақиқада "Қизилқум" футболчиси қўли билан ўйнади. Мен ҳам пенальти сўрашим мумкин эди. Аммо ҳакам ҳам одам, у ҳам хато қилиши мумкин, шу боис ҳамма ўз ишини қилгани яхши. Шу жумладан мен ҳам.

Олдинги турларда водийга борганимизда стадионларга минглаб мухлислар келганларини кўриб рости ҳавас қилдим. Шу боис бугун ҳам "Пахтакор" стадионида совринли акция ташкил қилдик. Тошкентда ҳам мухлислар кўпайишини истаймиз", - дейди Самвел Бабаян.