UZ

Сўнгги янгиликлар

01:55Ла Лига. Ямалсиз "Барселона" "Валенсия"га жавобсиз 6 та гол урди  13 01:53А Серия. Модричнинг голи "Милан"га "Болонья" билан ўйинда ғалабани тақдим этди  1 00:03Гвардиола Ҳусановнинг ўйини ҳақида фикр билдирди  17 23:45АПЛ. "Манчестер Сити" – "Манчестер Юнайтед" 3:0  1 23:33Маттиас Яйссле: "Насаф"нинг кучли томонларини яхши биламиз, аммо ғалаба учун ўз устунлигимизга эътибор қаратамиз"  3 22:42Лига 1. ПСЖ "Ланс"ни қийинчиликсиз таслим этди  1 22:25АПЛ. Ҳусанов тўлиқ ўйнаган Манчестер дербисида "Сити" "Юнайтед"ни йирик ҳисобда енгди  88 22:13ОПЛ. "Нефтчи" ва "Сабаҳ" ўзаро дуранг ўйнади, Раҳмоналиев иккинчи тайм бошида майдонга тушди  0 21:21Рўзиқул Бердиев: "Олдин ҳам "Ал Аҳли" сингари катта салоҳиятга эга жамоаларга қарши ўйнаганмиз"  14 21:10Илёс Зейтуллаев: "Янги стадионда тўп тепиш ўзгача ҳиссиётларни берди"  1 20:46Ҳаким Фузайлов: "Яна эски касалимиз қўзғади"  6 20:02АПЛ. "Ливерпуль" 90+5 дақиқада пенальтидан урилган гол эвазига "Бёрнли"ни мағлуб этди  16 20:00Про Лига. "Арал" "Олимпик"га имконият қолдирмади  1 19:55Абдухолиқовнинг пеналтидан киритган голи "Бунёдкор"га ғалаба тақдим этди  8 19:28А Серия. "Рома" Римда "Торино"га мағлуб бўлди  9

Самарқанд дербисида "Динамо" ғолиб бўлди Янгиликлар

Самарқанд дербисида "Динамо" ғолиб бўлди

Теглар :  ШердорДинамо
Янги мавсумга тайёргарлик ишларини Самарқандда ўтказаётган «Динамо» жамоаси дастлабки назорат учрашувини Самарқанднинг яна бир клуби «Шердор»га қарши ўтказди.

Чархин қўрғонидаги «Динамо» футбол мактабига тегишли майдонда ўтган назорат баҳсида «Динамо» жамоаси йирик 3:0 ҳисобида ғалабага эришди. Шу куни «Динамо» сафида мураббийлар бир қатор футболчиларни синовдан ўтказишди.

Ўйинни ҳужумкор бошлаган  «Динамо» 12-дақиқада ҳисобни очди. Илҳом Юнусов томонидан етказиб берилган чиройли «пас»ни Амиржон Сафаров кучли зарбаси билан голга айлантирди, 1:0.

25-дақиқада эса Жасур Азимов бошлаган ҳужумдан кейин Жасур Қурбонов жарима майдонида рақиб дарвозабони яккама-якка ҳолатга чиқиб бораётганида «Шердор» ҳимоячиси Саддам Бойматов томонидан тўхтатиб қолинди. Белгиланган 11 метрлик жарима тўпини Комил Шарофутдинов бехато амалга оширди, 2:0.

35-дақиқада эса бурчакдан етказиб берилган тўпни Жасур Қурбонов бош билан «Шердор» дарвозасига киритиб, ҳисобни 3:0 га етказди.

Иккинчи бўлимда ҳам жамоалар анча ҳужумкор ўйин намойиш этишди. 55-дақиқада Ҳакимхон Аъламхонов жарима майдонида «Шердор» ҳужумчиси Муҳаммад Ражабовга нисбатан ўйин қоидасини бузгани учун пенальти белгиланди. Зарбани жабрланувчининг ўзи берган бўлсада, «Динамо» посбони Рустам Тоштурдиев ажойиб «сейви» эвазига 11 метрлик зарбани қайтариб қолди.

Шунингдек, «Шердор» сафидаги Ислом Шарипов, Абдулло Набиевларда ҳам ҳисобни қисқартириш учун имкониятлар бўлганди, аммо ўйиндаги ҳисоб ўзгармади.

Қайд этиш жоиз, ўз олдига 2018 йилда Про-Лигада иштирок этишни мақсад қилган «Шердор» клуби ўтган ҳафтада Самарқандда Жиззахнинг «Сўғдиёна» клубига қарши ўртоқлик ўйинида майдонга тушиб, 2:2 ҳисобини қайд этганди.

«Динамо»нинг Самарқанддаги ўқув-машғулот йиғини давом этмоқда.


17 январь (чоршанба)

Самарқанд. «Динамо» ФМ стадиони.

«ДИНАМО» - «ШЕРДОР» - 3:0 (3:0)

Бош ҳакам: 
Шерзод Қамаров (Самарқанд)

Голлар: Амиржон Сафаров 12, Комил Шарофутдинов 25, Жасур Қурбонов 36.

«Динамо»: Рустам Тоштурдиев, Бунёд Исроилов, Ҳакимхон Аъламхонов, Миркомил Локаев, Темур Файзуллаев, Акмал Бозоров, Илҳом Юнусов, Жасур Азимов, Комил Шарофутдинов, Жасур Қурбонов, Амиржон Сафаров.

Иккинчи бўлимда захирадан майдонга тушганлар: 
Шамсиддин Саъдуллаев, Жасур Ашуров, Шаҳзод Саидов, Асад Толипов, Меҳрож Худойбердиев, Орзумурод Аҳмедов, Дамир Темуров, Асомиддин Маматов, Рамиш Бобомирзаев.

«Шердор»: Шуҳрат Мухторов, Саддам Бойматов, Шербек Шукуров, Акбар Сиддиқов, Отабек Хамроқулов, Фарҳод Сафаров, Миржалол Локаев, Фарзин Мухторов, Нурбек Олмосов, Ислом Шарипов, Муҳаммад Ражабов.

Амалга оширилмаган пенальти: Муҳаммад Ражабов («Шердор»), 55.

Рейтинг: +5   

Фикрлар

championat.asia
< сўнгги янгиликларни кўриш
Яндекс.Метрика