Садриддин Абдуллаев: "Малайзиядан молиявий томондан яхши таклиф бўлди"

Футболчи "Футбол Экспресс" газетасига бу борада ўз фикрларини билдирди.

- Чемпионатимизнинг охирги турларига бориб малайзияликларнинг қизиқиши ҳақида эшитдик ва бу борадаги музокаралар бошланганди. Ўзи у ерга бормоқчи эмасдим. Ахир "Локомотив" келаси йили ОЧЛда иштирок этади. Кейин вазиятни яхшилаб ўйлаб, муҳокам қилдим. Малайзияликлар ҳар томонлама қулай таклифни ўртага ташлашганидан кейин клубни ўзгартиришга қарор қилдим.

- 10 декабрда Малайзияга кетамиз. У ерда мавсум 12 январда бошланади. Июнгача давом этади ва Рамазон ойида танаффус бўлар экан. Жамоамиз янги мавсумга тайёргарликни бошлаб юборган.

- Агар 22 ёки 23 ёшда бўлганимда "Локомотив"да қолган бўлардим. Лекин ҳозир 30га қараб кетаяпман. Футболчи фаолиятини якунлаш арафасида бола-чақаси учун нимадир ишлаб олиши керак, - дейди Садриддин Абдуллаев.