Рустам Мирсодиқов: "Жамоа мағлубиятга учраганда айбдор мураббий бўлади"

Мурод Исмоилов: Энг аввало олис йўл босиб Бекободга келган ва бизни қўллаб қувватлаб турган фидойи ишқибозларимизга миннатдорчилик билдираман. Ўйинга тўхталадиган бўлсам, бугунги учрашув оғир кечишини билардик ва шунга яраша тайёргарлик кўрдик. Бу учрашувда томонларнинг имкониятлар тенг эди. биз бироз омадлироқ чиқдик. Қолаверса, биз рақибимизнинг чемпионатдаги барча ўйинларини видио орқали ўрганиб, шунга яраша тактика ишлаб чиқаандик. Бугун иккинчи рақамда ўйнашимиз ўз самарасини берди.

Ҳозир барча жамоаларда ишлаётган мураббийларга босим катта. Раҳбарият фақат ғалаба ва юқори ўринларни талаб қилади. Энг асосийси жамоа мухлислари ўз клубини фақат ютишларини хоҳлашади ва шунга яраша муносабат билдиришади. Бугунги кунда барча жамоаларда  натижа бирламчи бўлиб қолган.Тўғри чиройли комбинацион ўйин кўрсатиш мароқли, ҳаммага ёқади, лекин агар натижа бўлмаса ўша чиройли ўйин татимайди. Лекин ишонтириб айтаманки, яқин келажакда чиройли ўйинлар кўп бўлади.

Мен ҳакамларнинг ишига баҳо бермайман. Бунинг учун мутасадди инсонлар бор. Бугунги ўйинни бошқарган хакамлар мамлакатимизнинг энг кучли, обрўли хакамлар қаторидан ўрин олган ФИФА реферилари.  Мен ўйлайманки, берилган барча карточкалар ўринли ва менда хакамларга хеч қандай этироз йўқ.

Албатта, биз ҳам чемпионатни янги стадионда бошлашни хоҳлаган эдик. Хатто бунга яхши тайёргарлик ҳам кўргандик, лекин баъзи бир сабабларга кўра бу иш амалга ошмади. Бугун менга келган ҳабарларга қараганда, 18 апрел куни “Машъал”  билан бўладиган учрашувни айнан “Истиқлол” стадионида ўтказамиз. Бу кунни нафақат футбол мухлислари, балки биз ҳам катта интиқлик билан кутаяпмиз. Янги стадионда ўйин ҳам бошқача, анча чиройли бўлади. Барча футбол муҳлисларини 18-апрел кунги ўйинга таклиф этамиз.

Рустам Мирсодиқов: Жамоа ғалаба қозонса бу футболчиларники, мағлубитяга учраса мураббийнинг хатоси дейишадику. Бу ўйиндаги мағлубият учун барча айбни ўз зиммамга оламан. Эҳтимол, таркибни танлашда хатога йўл қўйгандирман, эҳтимол тактика танлашда. Аммо ишонтириб айтаманки, бугун ғалаба иштиёқида эдик. Футболчиларга ҳам учрашув қийин бўлишини уқтиргандим. Менинг назаримда олдинги ўйинда пешқадам “Машъал”ни чироқли тарзда доғда қолдиришимиз, шогирдларимга салбий таъсир кўрсатганга ўхшайди.

Ҳарчанд ҳаракат қилсакда, уларнинг ўйинини ўзгартиролмадик. Футболчиларни алмаштириш ҳғам ёрдам бермади. Нима ҳам дердик, ишлашимиз керак. Чемпионат энди бошланди. Олдинда кўплаб мураккаб ўйинлар турибди. Биз Бекободда ҳамиша мухлисларимизни хурсанд этиш учун майдонга чиқамиз. Бу анъанани албатта давом эттирамиз. Нафақат ўз уйимизда, сафарда ҳам уларни қониқтирадиган натижа учун ўйнаймиз.