Рўзиқул Бердиев: “Сафардаги дуранг биз учун қониқарли бўлди”

"Ўйин оғир бўлди. Учрашувни кўп қисмини ҳимояда ўтказдик. Бизни бу ўйиндаги тактикамиз кўпроқ ҳимояланиш эди. Кучли рақиб билан очиқ футбол ўйнаб бўлмайди. "Ал Аҳли" беллашув давомида устунлик қилди. Биздаям имконият бўлди. Кучли рақиб майдонида дуранг уйнаш биз учун қониқарли деб айтиш мумкин", - деб гап бошлади Рўзиқул Бердиев.

-Ўйиндан мақсад бир очко олишмиди? Бу борада омад келди деб ҳисоблайсизми?
- Иккала жамоадаям гол уриш учун вазиятлар бўлди. Омадга боғлаш тўғри эмас. Биз яхши ҳимоялана олдик. Натижадан қониқдик. Қўшимча сифатида айтиш мумкин: гуруҳда барча жамоада кейинги босқичга чиқиш имконияти бор. Мақсадимиз кейинги босқига чиқиш. Бу осон бўлмайди. Чунки рақибларимиз жудаям кучли.

-Сизнингча кимлар кейинги босқичга чиқади?
- Бу ҳақда айтолмайман. Буни ўйинлар кўрсатади.

-Кейинги ўйин ҳақида нима дея оласиз? Қаршида Ал Аҳлига қарши қандай ўйин кутсак бўлади?
-Уйда ҳужумкор ўйнаймиз. Бугунги учрашувда ўз уйинмизни кўрсата олмадик. Об-ҳаво ҳам анчагина иссиқ эди. Қаршида бугунгидан шиддатлироқ ўйнашга ҳаракат қиламиз.

-Рақибнинг энг ҳавфли футболчиси ким?
-Яқинда харид қилинган Рибейро ва 7-рақамдаги Ҳаммади анча хавфли футболчилар ҳисобланишади. Бугун ҳам улар ўзларини яхши томонларини кўрсата олишди.

"Насаф" матбуот хизмати ҳамкорлигида тайёрланди.