Рўзиқул Бердиев: “Ўзбекистон Кубоги учун кураш қизғин кечади”
05 авг 2019 07:52
Янгиликлар

Рўзиқул Бердиев: “Ўзбекистон Кубоги учун кураш қизғин кечади”

Ўзбекистон Кубоги 1/8 Финал учрашувидан ўрин олган “Насаф” – “Андижон” беллашувидан сўнг мезбонлар бош мураббийи Рўзиқул Бердиев бугунги баҳс ҳақида ўз фикрларини билдирди.

- Бугун яхши ўйин ўтказдик. Кейинги этапга чиққанимиз билан мухлисларимизни табриклайман. Мухлисларимизга алоҳида миннатдорчилик билдирмоқчиман. Улар бизни ҳар қандай вазиятда ҳам қўллаб-қувватлашмоқда. Бугунги беллашув бизнинг устунлигимизда ўтди. Йигитлар шошилмасдан хотиржамлик билан ҳаракат қилишди.

Бугунги баҳс битта ўйиндан иборатлиги йигитлардан ҳужумдан ташқари ҳимояда ҳам тартибли ўйнашни талаб қиларди. Улар буни уддалашди. Агар бугун шошма-шошарликка йўл қўйганимизда бизга ҳам қийин бўларди. Футболчиларимизнинг хотиржамлик билан тартибли футбол намойиш қилганликлари учун ишончли ғалабага эришдик. Бунинг учун уларга миннатдорчилик билдираман.