Рўзиқул Бердиев: “Иссиқда ўйнаганимиз мағлубиятимиз учун баҳона бўлолмайди”

Рўзиқул Бердиев, “Насаф” ФК бош мураббийи: - Ўзбекистон кубогининг нимчорак финалидаги дастлабки учрашувда футболчиларимиз кўп куч йўқотганлиги бугун сезилди. Бунинг устига Бекободдда ўйин анча вақтли, иссиқ ҳароратда бошланди. Аммо бу мағлубиятимиз учун баҳона бўлолмайди. Иккала жамоа ҳам бир хил шароитда тўп тепди. “Металлург” жамоаси биринчи таймда ўз мақсадига эришиб олгач, иккинчи таймда жуда тартибли ҳимояланди. Биз эса ўз ўйинимизни кўрсата олмадик. Мағлубият сабабларини ўрганиб чиқамиз ва шунга яраша камчиликларни бартараф этиш чорасини кўрамиз, дейди Рўзиқул Бердиев.

"Металлург" матбуот хизмати