Рўзиқул Бердиев: "Гуруҳдан қайси жамоа чиқиши масаласини ҳал қилиш "Навбаҳор"нинг қўлида"
21 апр 21:12
Янгиликлар

Рўзиқул Бердиев: "Гуруҳдан қайси жамоа чиқиши масаласини ҳал қилиш "Навбаҳор"нинг қўлида"

Ўзбекистон кубогининг 2-туридан ўрин олган "Динамо" - "Насаф" (3:3) учрашувидан сўнг меҳмонлар бош мураббийи Рўзиқул Бердиев матбуот анжуманида иштирок этди.

- Ўйин ҳақида

- "Динамо" ва "Насаф" тўқнашувлари ҳар доим шунақа қизиқарли ўтса керак. Бугун очиқ футбол кўрдик, вазиятлар кўп бўлди. Бу кубок учрашувларининг энг очиқ ўйини десак ҳам бўлади.

Биринчи голимиздан сўнг Ислом Кенжабоевда бўлган вазиятларни голга айлантира олганимизда вазият бошқача бўларди. "Динамо" биздаги камчиликларни аниқ топа олди. Ҳимоядаги йўқотишлар ва дарвозабонда ўйин амалиёти камлигидан унумли фойдаланишди.

- Гуруҳдаги вазият ҳақида муносабатингиз?

- Ҳозир гуруҳда қайси жамоанинг кейинги босқичга чиқиши масаласини ҳал қилиш "Навбаҳор"нинг қўлида. Улар қайси жамоани чиқишини истаса, шундай ҳал қилиши мумкин. Биз Вадим Абрамов жамоасини билардик, улар ҳужумкор ва очиқ футбол намойиш этишади. Самарқанддаги ўйинда ҳам шундай бўлганди. Бугун осон голлар ўтказиб юбордик.