Рўзиқул Бердиев: "Дуранг адолатли натижа бўлди"

Ўйин ҳақида

- Бугунги ўйин курашларга бой ўтди. Охирги вазиятларни айтадиган бўлсак, жамоамиздан омад юз ўгирди. Кўрдинглар тўп 2 марта дарвоза устуни ва тўсинига тегиб қайтди. "Сўғдиёна" курашувчан жамоа ва тайёргарлигимиз шунга яраша эди. Дуранг натижа вазиятни янада мураккаблаштирди. Сўнги тургача қайси жамоа кумуш ва бронза медалларини қўлга киритиши ноаниқ бўлиб қолмоқда. Бу охирги йилларда учрамаётган холат. Чемпионатимизни охирини ҳисобга олсак, назаримда қизиқ ўтаяпти. Дуранг адолатли натижа бўлди, ҳар икки жамоа ғалаба учун курашди.

- Бугун таркибда қўл урган ўзгаришларингизни қандай изохлайсиз?

- Биз кейинги ўйинни ҳам ҳисобга олдик. 3 кундан сўнг АГМК жамоаси билан Ўзбекистон кубоги ярим финалида ўйнаймиз. Шу сабаб айрим футболчиларга дам беришга қарор қилдик. 

- Чемпионат иштирокчилари сони оширилиши ҳақида миш-мишлар тарқалмоқда. Мутахассис сифатида бу борадаги фикрингиз қандай?

- Албатта, чемпионат иштирокчилари сонининг оширилиши бир жиҳатдан яхши, ўйинлар сони кўпаяди. Лекин аввал биз бунга тайёр бўлишимиз керак. Суперлига иштирокчилари сони ортса, Про-лига ва Биринчи лигага бўлган қизиқиш камайиб кетиши мумкин. Бу жуда чуқур ўйланиб ҳар тарафлама хулоса чиқариладиган масала. Фақат Суперлигани ўйласак, қуйи лигаларга нисбатан эътибор сусайиб кетиши мумкин.