Рональд Араухонинг "Шахтёр"га қарши ўйинда олган жароҳат жиддий бўлиб чиқмади

"Барселона" клуби ҳимоячиси ЕЧЛ тўртинчи тури доирасидаги "Шахтёр"га бой берилган ўйиннинг охирида жароҳат олганди. Сонини жароҳатлаб олган футболчи ноқулайликка қарамай ўйинни якунлаб қўйганди.

Marca нашрига маълум бўлишича, Араухонинг жароҳати жиддий эмас. Ҳимоячининг мускулларида бироз зўриқиш бор, ҳолос. 

Уругвайлик ҳимоячи якшанба куни "Алавес"га қарши ўйинда майдонга туша олади.