"Реван" Алибобо Раҳматуллаев ва бошқа легионер футболчисига жавоб берди
09 окт 2015 00:09
Янгиликлар

"Реван" Алибобо Раҳматуллаев ва бошқа легионер футболчисига жавоб берди

Озарбойжоннинг "Реван" клубида тўп сурган ҳамюртимиз Алибобо Раҳматуллаев жамоа билан ҳайрлашди.

Озарбойжоннинг "azerisport" нашри тарқатган хабарга кўра, "Реван" жамоаси таркибидаги барча легионер футболчилар хизматидан воз кечган. Шу жумладан ҳамюртимиз Алибобо Раҳматуллаев ҳам эндиликда "Реван" шарафини ҳимоя қилмайди.

Озарбойжон клубида тўп сурган Самуэль Барлай (Сьерра-Леоне) ва Алибобо Раҳматуллаев каби легионерлар "Реван" билан ўртадаги шартномани бекор қилишган. Бунга сабаб сифатида футболчиларнинг ўйинлари қониқарсиз бўлгани таъкидланган.

Бизга футболчининг ўзи маълум қилишича, Алибобо Раҳматуллаев ва бошқа легионерлар клубдаги молиявий қийинчиликлар туфайли жамоа билан ҳайрлашишга мажбур бўлган.

Ҳавола :

Манба : championat.asia

Янгиликларни Телеграмда ўқинг!

Рейтинг: +1