UZ

Сўнгги янгиликлар

22:50Дембеле жароҳат олди  0 22:07"Барселона" тер-Штегендан қутулишни истамоқда  2 21:59Назорат ўйини. "Насаф" - "Сўғдиёна" баҳсида 7та гол урилди  1 21:40Григорий Колосовский: "Биз жуда ёмон ўйнадик. Рақиблар ғалабага яқин эди"  2 21:20Айбек Нурбаев: "Биз икки очко йўқотдик"  1 20:55Ўзбекистонга қарши ўйин олдидан Қатар терма жамоаси сафида ўзгариш  21 20:25"Локомотив" меҳмонда "Жайхун"ни мағлуб эта олмади  4 19:58"Реал" ва "Бавария" Доннарумма учун курашга киришиши мумкин  3 19:14"Фенербахче" Де Брюйне учун курашга қўшилди  5 18:27Расман: "Интер" 25 млн евролик трансферни амалга оширди  2 17:56ПФЛ: Ўзбекистоннинг 17 та клуби ОФК лицензиясига эга чиқди  1 16:34Влахович фойдали таклиф сабаб А Серияни тарк этиши мумкин  0 16:08Леау Ла Лиганинг топ клубларидан бирига ўтиши мумкин  2 15:40Тер Штеген "Барселона"дан кетиши мумкин. Нега?  27 14:32Орзу йўлининг муваффақиятли якуни ёхуд ҳар қадамда тарихга кирган Кападзе   33

"Реал"га "йўқ" деган топ-10 футболчи Янгиликлар

"Реал"га "йўқ" деган топ-10 футболчи

Теглар :  Реал
"Реал" ҳар доим ўз таркибига дунёнинг энг кучли футболчиларини қўшиб олишга ҳаракат қилади.

Аммо бу борада "қироллик клуби"да ҳам кўплаб омадсизликлар бўлган. Мисол учун, шундай топ-футболчилар ушбу жамоа таркибида ўйнашга рад жавобини берган.

СТИВЕН ЖЕРРАРД

"Ливерпуль"нинг афсонавий футболчиси, ҳозирда "Рейнжерс" бош мураббийи "Сантьяго Бернабеу"да ўйнашни истамаган. Унда икки марта "Реал" футболчиси бўлиш имконияти бор эди, бироқ мадридликлар икки бора ярим ҳимоячидан рад жавобини олган. 2003 йилда "Ливерпуль" ва "Реал" бу борада келишиб олишганди ҳам. Аммо ўртада маблағ муаммо бўлгани учун трансфер амалга ошмаганди.

ВИСЕНТЕ РОДРИГЕС

"Валенсия" вингери бир вақтлар ўз позициясининг энг яхшиларидан бири эди. "Реал" "кўршапалакка" таклиф билан чиққан, бироқ рад жавобини олганди. Висентенинг фаолияти бундан-да яхши бўлиши мумкин эди. Аммо у кўплаб жароҳатлар олгани учун машҳур бўлиб кета олмади.

ПАТРИК ВИЕЙРА

Арсен Венгернинг севимлиси 2004 йилда "Реал"га кўчиб ўтиши мумкин эди. Клублар Виейранинг трансферини келишиб олишга ҳам улгурганди. Бироқ футболчи Лондонда қолишни истаган. Патрик - "Арсенал" тарихидаги энг яхши футболчилардан бири бўлиб қолди.

ДАВИД ВИЛЬЯ

"Валенсия"да ўйнаб юрган вақтларида, аниқроғи, 2008 йилда Вильяга "Реал" анчагина яхши шартнома таклиф қилганди. Бироқ номаълум сабаблар туфайли трансфер ишлари тўхтаб қолганди. Бундан "Барселона" унумли фойдаланди ва уни ўз сафига қўшиб олди. Вилья кейинчалик "Атлетико"да ҳам фаолият олиб борди.

ОСКАР

Бразилиялик 6 йил аввал "Челси" билан шартнома имзолади. 2013 йилги интервьюсида у "Реал" томонидан қизиқишлар бўлганини маълум қилди. Оскар "Реал"да захирада ўтириб қолишидан қўрқиб, таклифга рад жавобини берган. Унга шахсан Жозе Моуриньонинг ўзи "қаймоқранглилар"га таклиф қилганди.

ДАВИД СИЛЬВА

"Манчестер Сити"нинг энг яхши футболчиларидан бири 2012 йилда "Реал"да кўриниш бериши мумкин эди. Ўшанда унга "Барселона" ҳам харидор бўлган. Бироқ испаниялик футболчи "шаҳарликлар" таркибида қолишни истади. Айни дамда ҳам Сильва - Европанинг энг яхши хавбекларидан бири.

ШИНЖИ КАГАВА

"Боруссия" футболчиси ҳам Оскар каби "Реал"даги фаолиятидан қўрққан. Айнан шу сабабли япониялик "Бернабеу"га кўчиб ўтишни истамаган. Шундан кейин Шинжи "Манчестер Юнайтед"да тўп сурди. Бироқ шунда ҳам у ўзининг энг юқори савиясини намойиш қила олмади.

РАМИРЕС

2013 йилда "Реал" вакиллари қўнғироқ қилганида, футболчи кўп ҳам ўйламаган. У "қаймоқранглилар"га рад жавобини берган. Рамирес "Челси" таркибида ажойиб ўйин намойиш қилди. ЕЧЛнинг ярим финалида "Барселона" майдонида урган голи эса фаолиятидаги энг муҳими бўлди.

ЛУИС СУАРЕС

У ўзининг "Ливерпуль"даги ўйинлари туфайли Испаниянинг грандлари назарига тушди. "Реал" ҳам, "Барселона" ҳам уругвайлик футболчи билан боғланганди. Мерсисайддан кетиш арафасида у "Барселона"да ўйнаш болалигидан орзуси бўлганлиги учун "Камп Ноу"га кетаётганини маълум қилди.

ПОЛЬ ПОГБА

Погба "Манчестер Юнайтед"га қайтишни, Жозе Моуриньо билан бирга ишлашни истади. Икки йил олдин ушбу икки инсоннинг муносабатлари ҳозиргидан яхшироқ эди. Аммо шундай бўлса ҳам, Погба "Реал"га рад жавобини берди. Ҳатто "Барселона" таркибида ўйнашни ҳам истамади.

Миржалол Норматов таржимаси

Рейтинг: +23   

Фикрлар

championat.asia
< сўнгги янгиликларни кўриш
Яндекс.Метрика