"Реал" Холандни нега рад этгани маълум бўлди

Мадридликлар "Боруссия" ҳужумчисини қўлга киритишдан манфаатдор эди, аммо якунда курашда "Манчестер Сити" ғалаба қозонди.

Манбанинг хабарига кўра, норвегиялик футболчининг ўтган ойда вафот этган агенти Мино Райола испан жамоаси билан келишувда иккинчи мавсумдан кучга кирадиган 150 миллион евролик товон пули қўшилишини хоҳлаган.

Бу шарт "Реал Мадрид" президенти Флорентино Пересга тўғри келмади, шу боис Райоланинг таклифи рад этилди.

"Сити" эса "Боруссия"га 75 миллион евро тўлайди - бу сумма унинг дортмундликлар билан шартномасида товон пули сифатида кўрсатилган.