«Реал Мадрид»даги сўнгги учрашувини ўтказган Кроос ўйин ҳақида нималар деди?

«Учрашувдаги ҳал қилувчи вазият бизнинг биринчи бўлимда гол ўтказиб юбормаганимиз бўлди. Биринчи бўлимда биз жуда қаттиқ қийналдик, рақиб ҳимоя чиқиғини анча шошириб қўйди. Бироқ иккинчи бўлимда биз ўзимга кела бошладик ва тезда гол урдик. Бугун шундай ўйинга тайёргарлик кўргандик.

Мен шу тариқа, фаолиятимни якунлаётганимдан хурсандман. Супер якун бўлганидан бахтлиман», — деди Кроос.

Маълумот учун, Кроос «Реал»даги 10 йиллик фаолияти давомида 465 та учрашувда майдонга тушган. Унинг ҳисобида 28 та гол ва 90 та голли узатма бор. У мадридликлар билан жами 23 та совринга эга чиқди.