"Реал" Эдегорни "Арсенал"га 50 млн евро эвазига сотишга тайёр

Мадрид клуби норвегияликнинг 50 млн евролик сотуви бўйича таклифни кўриб чиқади ва битимга қайта харид қилиш ҳуқуқини қўшишга уриниб кўради.

"Реал" ушбу нарх эвазига футболчини "Арсенал"га сотишга тайёр, аммо Эдегор бўйича ҳали клубга таклиф келиб тушмаган.

"Реал" мураббийи Карло Анчелотти хавбекка ишонч билдиради ва бу ҳақда унга хабар қилди. Эдегорнинг ўзи клубда қолишга интилмоқда.

Футболчи ўтган мавсумнинг иккинчи қисмини "Арсенал"да ўтказди. У АПЛ доирасидаги 14та ўйинда майдонга тушиб, 1та гол ва 2та ассист қайд этди.