"Райо"га қарши ўйин пайтида "Олд Траффорд"ни фақат Роналду тарк этмаган
01 авг 2022 19:37
Янгиликлар

"Райо"га қарши ўйин пайтида "Олд Траффорд"ни фақат Роналду тарк этмаган

"Райо Вальекано"га қарши ўйин (1:1) якунига етмасдан "Олд Траффорд"ни фақат Криштиану Роналду тарк этмади.

Кеча португалиялик ҳужумчи ўртоқлик учрашувида асосий таркибда майдонга тушиб, гол ура олмади ва танаффусда алмаштирилди. Ўйин тугашига камида 8 дақиқа қолганида у стадион ташқарисида суратга тушди.

Sky Sports нашрининг ёзишича, Роналду ўйин якунига қадар "Олд Траффорд"ни тарк этган ягона "қизил иблислар" футболчиси эмас.

Manchester Evening News'нинг аниқлик киритишича, Диогу Далот Криштиану билан бирга стадионни тарк этган.

"Манчестер Юнайтед" клуби Роналду стадиондан чиқиб кетишидан аввал Эрик тен Хагдан рухсат олган ёки олмаганлиги тўғрисида изоҳ беришдан бош тортди.

Ҳавола :

Манба : Sky Sports

Янгиликларни Телеграмда ўқинг!

Рейтинг: +4