Александр Крестинин бошқарувидаги Қирғизистон терма жамоаси Осиё Кубогининг "C" гуруҳида 3-ўринни эгаллади. БААда ўтаётган қитъа чемпионатида 24та жамоа иштирок этмоқда. Регламентга кўра, 6та гуруҳда энг яхши кўрсаткичга эга 4та 3-ўрин соҳиблари нимчорак финал йўлланмасини қўлга киритишади. Бу лимитдан дастлаб "А" гуруҳидаги Баҳрайн ва "C" гуруҳидан бугун Қирғизистон терма жамоаси фойдаланди.
Қирғизистонликларнинг кейинги босқичдаги рақиби катта эҳтимол билан БАА терма жамоаси бўлиши мумкин. Бу расман қайси гуруҳдан кимлар чиқиши тақсимотига қараб кейинроқ маълум бўлади.
