Рангник: "Бунча вазиятни кўкка совурадиган бўлсак, ғалаба қозониш қийин бўлади"

МЮ устози Ральф Рангник ушбу дурангга ўз изоҳини берди.

– Ҳамма нарса қилдик, лекин гол ура олмадик. Бу натижани ҳазм қилиш қийин. Аммо бунча вазиятни кўкка совурадиган бўлсак, ғалаба қозониш қийин бўлади.

Бутун ўйин давомида назоратни ушлаб турдик. Рақибга қарши ҳужум учун деярли имкон қолдирмадик. Рақиб дарвозаси ёнида агрессивроқ ўйнашимиз лозим. Бугунгидан кўпроқ вазият бўлиши қийин. Ҳафсалани пир қиладиган кун.

– Роналдунинг тўсинни нишонга олган вазияти ҳақида.

– Бу ягона голли вазият эмас эди. Биринчи бўлимда бешта яққол вазият. Иккинчи бўлимда эса яна уч-тўртта. Ғалаба қозониш учун етарлича имкониятимиз бор эди. 

Баъзида омад келмайди. Дарвоза устуни ва тўсини кесишган жойини мўлжаллаймиз. Аммо бирга-бир вазиятда ҳам гол ура олмасликка омаднинг алоқаси йўқ. Биз бундан вазиятларда совуққонроқ бўлишимиз керак", -дейди Ральф Рангник.