Раҳмоналиевнинг агенти футболчининг "Рубин"дан кетиши ҳақидаги хабарларга изоҳ берди
23 дек 2024 19:56
Янгиликлар

Раҳмоналиевнинг агенти футболчининг "Рубин"дан кетиши ҳақидаги хабарларга изоҳ берди

"Рубин" ярим ҳимоячиси Умарали Раҳмоналиевнинг манфаатларини ҳимоя қилаётган футбол агенти Рауль Абрураҳомонов футболчининг Қозонни тарк этиши мумкинлиги ҳақидаги хабарга муносабат билдирди.

"Катта эҳтимол билан Умарали ё ижарага кетади ёки тўлиқ трансфер бўлади. Ҳаммаси клубларнинг хариддан қанчалик манфаатдор эканлигига боғлиқ. Ҳозирча аниқ таклиф йўқ, лекин қизиқиш бор. Биз ҳаммаси аниқ бўлишини кутмоқдамиз. Иккита клуб бор: экзотик Австралия чемпионатидан ва Туркиядан.
Биз "Рубин" билан бу масалани муҳокама қилдик. Мен Москвага учиб, Раҳмоналиевнинг тақдири бўйича суҳбатлашдим. Биз ижара ёки яхши нархдаги трансфер бўйича келишиб олдик", – деди агент.

Раҳмоналиев 2023 йилнинг январида "Бунёдкор"дан "Рубин"га текинга ўтган эди. Унинг шартномаси 2026 йилнинг июнигача амал қилади. 21 ёшли таянч ярим ҳимоячиси жорий мавсум 7 та ўйинда майдонга тушиб, 1 та голга ассистентлик қилди ҳамда 2 марта сариқ карточка олди.

"Бодрум" ва "Вестерн Сидней Уондерерс" Умарали Раҳмоналиевга қизиқмоқда

Ҳавола :

Манба : championat.com

Янгиликларни Телеграмда ўқинг!

Рейтинг: +2