Рафинья "Реал"га қарши ўйнаши мумкин
17 окт 2025 00:13
Янгиликлар

Рафинья "Реал"га қарши ўйнаши мумкин

"Барселона" футболчиси Рафиньянинг класикода ўйнаши эҳтимоли катта.

Футболчи 25 сентябрь куни "Овьедо"га қарши ўйин вақтида болдир мушакларини тортиб олганди. Аввалига унинг уч ҳафтани майдондан ташқарида ўтказиб юбориши айтилганди. Бу муддат тугаган бўлса-да, у ҳали ҳам умумжамоа билан шуғулланганича йўқ. Рафинья 18 октябрь куни "Жирона"га қарши ўйинда қатнашмаслиги кутилмоқда.

"Mundo Deportivo" маълумотига кўра, футболчининг бугунги тиббий текширув натижалари яхши натижалар берган. Бразилияликнинг 26 октябрь куни "Реал"га қарши баҳсда қатнашиши кутилмоқда. Лекин у бунинг учун 21 октябрда ЕЧЛдаги "Олимпиакос" билан ўйинни ўтказиб юбориши керак бўлади. Клубдагилар эса футболчининг соғлиғини хавф остига қўймоқчи эмас.

Рафинья ушбу мавсумда ЛаЛигада 6 ўйинда 3 гол ва 2 ассист қайд этди.

Ҳавола :

Манба : Mundo Deportivo

Янгиликларни Телеграмда ўқинг!

Рейтинг: +1