Қувайт - Жанубий Корея. Превью

Дастлабки турда мезбонларга қарши майдонга тушиб 1:4 ҳисобида мағлуб бўлган Қувайт иккинчи турда бор имкониятини ишга солиши турган гап.

Жанубий Корея биринчи турда Уммон устидан 1:0 ҳисобида устун келди ва ҳозирча уч очкога эга.

Қувайт терма жамоаси Осиё Кубокларида 10-бор иштирок этаётган бўлса, Корея 13-марта қитъа чемпионатига чиқди. Жанубий Корея терма жамоаси 1956 ва 1960 йилларда, Қувайт 1980 йилда Осиё чемпиони бўлган.

Бу икки жамоа барча мусобақаларда ўзаро 21та ўйин ўтказган. Қувайт ҳисобида 8та ғалаба бор, 10 марта Жанубий Корея зафар қучган. Қолган 3 учрашув дуранг билан тугаган. Тўплар нисбатида корейслар устун - 28:20.

Фақат Осиё Кубокларини ҳисобга олинган ҳолда ушбу жамоаларнинг ўзаро статистикаси: Қувайтда 4та ғалаба, Жанубий Кореяда 2та ғалаба, 1 дуранг. Тўплар нисбати - 8:8

Дастлабки турда Қувайт сафида Ҳуссайин Фадҳел ва Файсал Зайд сариқ карточка олишди. Бу футболчилар иккинчи ўйинда эҳтиёт бўлиб ўйнашмаса гуруҳдаги сўнгги турни ўтказиб юбришади. Корейслар сафида илк турда ҳеч ким огоҳлантириш олмади.  

Қувайт - Жанубий Корея
13 январь 2015. Канберра. "Канберра" стадиони.
Бош ҳакам: Алиризо Фағони (Эрон)
Қанот ҳакамлари: Ризо Суҳандон ва Муҳаммад Ризо Абулфазли (иккиси Эрон)
Тўртинчи ҳакам: Юдаи Юмамото (Япония)
Бешинчи ҳакам: Нажаҳ Алҳамаидаҳ (Ироқ)


Нарзулла Сайдуллаев тайёрлади