Қўқондаги турнир якунланди

Биз сизларга  Қўқон шаҳрида “9 май хотира ва қадрлаш куни” муносабати билан футбол академиялари, профессионал футбол клублари тасарруфидаги футбол мактаблари ҳамда спорт мактабларининг футбол бўлими тарбияланувчилари ўртасида, “Қўқон-1912” (Темирйўлчи) жамоасининг собиқ футболчиси ва ички ишлар ходими, марҳум Назаров Аброр Ўлмасович  хотирасига бағишланган турнир бўлиб ўтаётгани ҳақида хабар берган эдик.

Республикамизнинг турли шаҳар ва туманларидан 2007-2010 йилларда туғилган болалардан иборат жами 6 жамоа иштирок этган мусобақа фестивал кўринишида ўтказилди. Кеча мусобақанинг якуний ўйинлари ҳамда тақдирлаш маросими бўлиб ўтди. Маросимда марҳум Аброр Назаровнинг яқинлари, дўстлари ҳамда фахрий футболчилар иштирок этишди. Ташкилотчилар томонидан мусобақанинг барча иштирокчиларига совғалар тарқатилди. Болажонларнинг кўзларидаги қувончни кўрган ҳар бир инсон яна бир бор болалик чоғларини эслади.

Юқори савиядаги ташкилотчиликдан мусобақага ташриф буюрган барча жамоалар хурсанд бўлиб уйларига қайтишди. Буни қуйидаги суратларда ўзингиз ҳам кўришингиз мумкин. Мана шундай турнирларнинг ўтказилиши келажак авлодни спортга, хусусан футболга бўлган меҳрини янада ошишига сабаб бўлиши аниқ.

Акрамжон Мамадалиев.
Суратлар муаллифи Комилжон Хамидов.