"Нафтан" Новополоцкнинг 25 ёшли собиқ форварди Роман Папарига "Қизилқум" билан битим тузади. Папарига янги жамоаси билан шартнома тузиш учун аллақачон Тошкентга етиб келган. Бу ҳақида сайтимиз журналисти Шерзод Нурматов хабар бермоқда.
Фаолиятининг асосий қисмини Беларусда ўтказган футболчи ўтган йили "Нафтан" сафида 33 ўйинда қатнашиб, 12 та гол урган ва 7 та голга ассистентлик қилган. Transfermarkt портали уни 300 минг еврога баҳолаган.
