"Қизилқум": Анталияда машғулотлар давом этмоқда ФОТОГАЛЕРЕЯ

Куннинг биринчи ярмида "Ростов" жамоасига қарши ўйнаган футболчилар енгил чигалёзди машғулотлари билан кифояланишган бўлса, қолганлар белгиланган тартибда навбатдаги ўйинга ҳозирлик кўрдилар.

Кечки машғулотларда барча бирдек тер тўкди. Бош мураббий етакчи футболчиларга алоҳида юкламалар берди. Икки соатга яқин давом этган машғулотларда ҳамма футболчилар астойдил ишладилар.

Кечқурун эса Orange palas меҳмонхонасида жамоа аъзолари назарий машғулотларда қатнашди. Жумладан, унда "Ростов"га қарши кечган ўйин таҳлил этилиб, йўл қўйилган хато-камчиликларни бартараф қилиш бўйича мураббийлар ўз кўрсатмаларини беришди.

Эслатиб ўтамиз, "Қизилқум" жамоаси Туркия йиғини доирасидаги иккинчи назорат учрашувини 22 февралда ўтказади. Унда кончилар Украина премьер лигаси вакили Львовнинг "Карпати" ёшлари билан куч синашади. Ўйин Сидедаги "Emirhon palas"  спорт мажмуида Тошкент вақти билан соат 18.30 да бошланади.

"Қизилқум" футбол клуби Матбуот хизмати мазкур ўйинни онлайн трансляция қилишга ҳаракат қилади.

Ўртоқлик учрашуви. "Ростов" (Россия) — "Қизилқум" (Ўзбекистон) ФОТОГАЛЕРЕЯ