«Қизилқум» 8 мартда «Насаф» билан ўйнайди

Бош мураббий Юрий Лукин шогирдлари билан кунига икки маҳалдан машғулотларни ташкил этяпти.

Таркиб деярли аниқланиб бўлинган. Янги мавсумда Дилшод Ҳамроев («Бунёдкор»), Миржалол Қурбонов («Гулистон»), Руслан Вагапов («Металлург»), Владимир Шишелов («Металлург-Кузбасс» Новокузнецк, Россия), Элдор Бойматов («Насаф»), Шерали Жўраев («Олмалиқ»), Ғайрат Жумаев («Нефтчи»), Самандар Шодмонов («Насаф»), Алишер Саноев («Бухоро») каби футболчилар кончилар таркибида тўп суришади.

Режага кўра, «Қизилқум» жамоаси 8 март куни навбатдаги назорат учрашувида майдонга тушади. Унда ўтган мавсум бронза медали совриндори Қаршининг «Насаф» футболчилари кончилар рақиби бўлади.

Эслатиб ўтамиз, мазкур учрашув Қизилтепа шаҳрида «Дўстлик» стадионида ўтказилади. Ўйин соат 12.00 да бошланади.