Қатар бош мураббийи: "Кетма-кет иккинчи марта финалга чиқиш имконияти катта мотивация бермоқда"

"Эронга қарши баҳс биз учун ўта қийин бўлишини сезиб турибмиз. Қисқа вақт ичидаги олтинчи ўйинимиз бўлади. Жисмоний жиҳатдан бу оғир юклама, аммо ҳали ҳам яхши натижадан умид қилиб турибмиз.

Эрон жуда кучли терма жамоа. Осиё кубогида тўқнаш келган бирор жамоанинг кучига паст баҳо бермадик. Эронга қарши табиийки бундай қилмаймиз.

Ярим финал ўйинига катта мотивация билан келмоқдамиз. Чемпионлик ўйинигача бир қадам бор. Кетма-кет иккинчи марта финалга чиқиш имкониятига эгамиз. Бу нарса бизга катта мотивация беради. 

Эрон термасининг ҳужум чизиғи жуда кучли, айнан шу нарса бизни чўчитмоқда. Рақибнинг ҳужум чизиғини зарарсизлантиришга уриниб кўрамиз.

Ўйинни пенальтилар сериясига олиб бориш ҳақида гап-сўз бўлиши мумкин эмас. Доим ғалаба учун ўйнаймиз, Эрон билан ҳам шундай бўлади", -дейди Маркес Лопес.