Қаршида "Камолиддин Кенжаевга ёрдам берамиз” хайрия акцияси бошланди!

Қарши шаҳридаги "Геолог" спорт мажмуаси залида Камолиддин Кенжаевга бағишланган хайрия акция бўлиб ўтмоқда. Унда бир қатор "Насаф" жамоасининг собиқ футболчилари, хусусан Камолиддин Кенжаев билан бирга тўп тепган футболчилар: Пётр Гизимчук, Даврон Файзиев, Ботир Қораев,
Вали Келдиев, Рўзиқул Бердиев, Нурали Султонов, Шуҳрат Тошпўлатов, Баҳром Ҳайдаров, Константин Боев, Дилшод Мавлонов ва Зафар Холмуродов каби футболчилар ташриф буюришган.

Тадбирни Қашқадарёлик таниқли шарҳловчи Ҳусан Темиров бошлаб берди. Даставвал Қашқадарё вилоят ҳокими маслаҳатчиси Маматқул Ражабов сўзга чиқди ва Камолиддин Кенжаевга яхши тилаклар билдириб, тадбирни очиб берди. 

Шунингдек, тадбирга ташриф буюрган Қашқадарёлик хушовоз хонанда Алижон Исоқов ўз мусиқалари билан барчани хушнуд этди.

Шундан сўнг "Насаф" футбол мактабининг  2005-2006 йилда туғилган тарбияланувчилари ўзаро куч синашишди ва залга йиғилган ишқибозларга чиройли футбол беллашувини тақдим этиб беришди. 

Яна бироздан сўнг Камолиддин Кенжаевнинг дўстларидан ташкил топган "Насаф-2006" жамоаси "Қашқадарё футбол юлдузлари"га қарши майдонга тушишади.

Бу ҳақида ҳам маълумот бериб борамиз.