"Қалдирғочлар"нинг меҳмондаги парвози давом этадими?

Илёс Зейтуллаев жамоаси бугун Термизда "Сурхон" билан куч синашади. "Бунёдкор" жорий мавсумда меҳмонда мағлубият нималигини билмаяпти. "Қалдирғочлар" сафардаги 8 та баҳснинг 5 тасида ғалаба, 3 тасида дуранг қайд этди. Жамоа охирги маротаба 2024 йилнинг 3 ноябрь куни Суперлига 23-турида Фарғонада "Нефтчи"га енгилган эди.

Тошкент клуби айни пайтда чемпионат турнир жадвалида 31 очко жамғарган ҳолда олтинчи ўринда бормоқда. "Сурхон" билан тўқнашув 20:00да бошланади.